Նորություններ
![](thumbs/x435/media/2023/07/9865.jpg)
01.08.23թ.-ից կենսաթոշակը կամ նպաստը Հայէկոնոմբանկի թողարկած քարտերով ստացող շահառուների կողմից կատարված անկանխիկ գործարքներից կհաշվարկվի հետվճար՝ կատարած գործարքների հանրագումարի 10%-ի չափով, բայց ոչ ավելի քան 5.000 դրամը։
Հետվճար՝ հաշվետու ժամանակահատվածում կենսաթոշակառուի կողմից կենսաթոշակային քարտով ՊՈՍ-տերմինալների միջոցով ապրանքների կամ ծառայությունների ձեռքբերման դիմաց կատարված անկանխիկ գործարքներից, ինչպես նաև AEB Mobile/Online համակարգերի միջոցով կոմունալ ծառայությունների (գազ, էլեկտրաէներգիա, խմելու ջուր, ֆիքսված հեռախոս) դիմաց կատարված վճարումներից հաշվարկվող գումար:
Հետվճարները Բանկի կողմից հաշվարկվում են նախորդ ամսվա ընթացքում կատարված անկանխիկ գործարքներից և փոխանցվում են շահառուների սոցիալական ապահովության հաշվին (քարտին)՝ յուրաքանչյուր ամիս մինչև տվյալ ամսվա 25-ը։