«ՀԱՅԷԿՈՆՈՄԲԱՆԿ» ԲԲԸ-ն փնտրում է մասնագիտական բարձր որակավորում ունեցող և պատասխանատու ՏՏ աուդիտորի՝ Ներքին աուդիտի վարչության թիմին միանալու համար: Որպես աուդիտոր, աշխատակցին հնարավորություն կընձեռվի ներքին աուդիտի միջազգային հայեցակարգի պարտադիր տարրերին համահունչ գլխավորել վարչության կողմից գործառնական, ՏՏ և ՏԱ, ինչպես նաև խարդախության ռիսկերի և գործարար անընդհատության գծով իրականացվող հանձնառությունների (ստուգումների) պլանավորման, կատարման և ամփոփման գործընթացը: 

• Բանկի կառուցվածքային և տարածքային ստորաբաժանումներում ռիսկերի վրա հիմնված ՏՏ և ՏԱ  ռիսկերի զսպմանն ուղղված հանձնառությունների (ստուգումների) նախապատրաստում և իրականացում, մասնավորապես ռիսկերի բացահայտում, գնահատում և դրանց նվազեցմանն ուղղված գործընթացների օժանդակում,
• Ներքին աուդիտի վարչությանը վերաբերող ներքին կանոնակարգերով սահմանված գործառույթների իրականացմանն ուղղված աշխատանքների կատարում, 
• Ներքին հսկողության նվազագույն պահանջների կատարման նկատմամբ վերահսկողություն,
• Բանկի ՏՏ և ՏԱ ներհատուկ ռիսկերի վերաբերյալ պարբերական վերլուծությունների իրականացում, 
• Վարչության պետի կողմից այլ հանձնարարությունների պատշաճ կատարում,
• Անհրաժեշտության դեպքում գործուղումներ դեպի մարզային մասնաճյուղեր:

• Ներքին աուդիտի մասնագիտական գործունեության միջազգային ստանդարտների, ՀՀ օրենսդրության, ինչպես նաև ՀՀ բանկերի գործունեությունը կարգավորող կանոնակարգեր իմացություն,
• ISO 27001 ստանդարտի իմացություն և գործնական հմտություն, 
• Վերլուծական մտածելակերպ (ռիսկերի բացահայտում, գնահատում, ռիսկերի նվազեցմանն ուղղված միջոցառումների առաջարկում),
• Համակարգչային հմտություններ (Microsoft Office ծրագրային փաթեթի տիրապետում),
• ՏԱ ծրագրային համակարգերի իմացություն, 
• Պարկեշտություն, օրինապահություն, հաղորդակցման հմտություն և թիմում աշխատելու ունակություն, 
• Խրախուսվում է նաև CISA, CISM, CGEIT կամ CRISC որակավորման առկայությունը:

Բարձրագույն մասնագիտական կրթություն՝ ՏՏ և ՏԱ ռիսկերի կառավարման կամ այլ հարակից ոլորտներում

Առնվազն 3-5 տարվա մասնագիտական աշխատանքային փորձ ֆինանսական համակարգում

Microsoft Office 

Հայերեն և անգլերեն լեզուների գերազանց, ռուսերեն լեզվի լավ իմացություն